martedì, novembre 24, 2009

O ssaje comme fa 'o core

Tu stive 'nzieme a n'ato
je te guardaje
e primma 'e da' 'o tiempo all'uocchie
e' s'annammura'
già s'era fatt' annanze 'o core.
A mme, a mme
'o ssaje comme fa 'o core
quanno s'è annamurato.

Tu stive 'nzieme a mme
je te guardavo e me dicevo:
"Comme sarrà succiesso ca è fernuto?"
ma je nun m'arrenn'
ce voglio pruva'.
Poi se facette annanze 'o core
e me dicette:
"Tu vuo' pruvà?
E pruova, je me ne vaco!"
'O ssaje comme fa 'o core
quanno s'è sbagliato.

Massimo Troisi (video)

Nessun commento:

Posta un commento